दशानन

    दशानन ही जयंत जोगळेकर यांनी लिहिलेली एक अतिशय उत्तम कादंबरी आहे .
      या कादंबरीबद्दल एका वाक्यात सांगायचं झालं तर रामाला देव बनवणाऱ्या रावणाची ही गोष्ट आहे
      ही कादंबरी म्हणजे रामायण नाही तर रावणायन आहे .
        या कादंबरीत रामायणाची कथा एका वेगळ्या दृष्टिकोनातून मांडलेली आहे लहानपणापासून आपल्या मनावर असे संस्कार झाले आहेत की रावण म्हणजे दृष्ट रावण म्हणजे पाप रावण म्हणजेच वाईटपणा .आपण असं म्हणू शकतो की काळ्या आणि पांढर यांच्या युद्धात रावण हा पूर्णपणे villain ठरला . पण खरंच तसं होतं का. ?  दशानन या कादंबरीत याचा मागोवा जयंत जोगळेकर यांनी घेतलेला आहे .
   कोणताच व्यक्ती पुर्णपणे चांगला किंवा पूर्णपणे वाईट नसतो . व्यक्ती म्हणजे चांगल्या व वाईट यांचे बेमालूम मिश्रण असते . रावणाने सीतेचे अपहरण  वासनेपोटी केले असं आपल्या मनावर ठसवलं गेलेलंआहे पण ते कितपत खरं होतं ?  रावणाने केलेलं सीतेचं अपहरण हा एक राजकीय डाव होता . पण नंतर त्याच्या मनात सीतेबद्दल प्रेम निर्माण झालं होतं मात्र तरीही त्याने तिच्यावरती जबरदस्ती केली नाही . आपण असे म्हणू शकतो की रावण वाईट होता पण बिभीषणाचा काय ? त्याने स्वतःचीच लंका शत्रूला जिंकून दिली .  पण जिंकणारा च्या बाजूकडे असल्यामुळे त्याचा भगवद्भक्त म्हणून उदोउदो झाला .  ह्या कादंबरीचा मते बिभीषण रामायणाचा मुख्य खलनायक ठरतो . रावण चांगला आहे , चांगला होता ,  असं या कादंबरीत सांगितलेले नाही पण तो श्रेष्ठ पुत्र होता  , भक्त होता आणि शत्रू होता हे सिद्ध केलेलं आहे .

शोध एक मराठी THRILLER कादंबरी

ह्या अशा पुस्तकांवर मराठी चित्रपट का बनत नाहीत....?
शोध हे मुरलीधर खैरनार यांनी लिहिलेलं अस्सल मराठी थ्रिलर .......
एकदा वाचायला घेतलं की संपूर्ण झाल्याशिवाय खाली ठेववत नाही .......
छत्रपती शिवाजी महाराजांनी दुसऱ्यांदा जेव्हा सुरत लुटली तेव्हा चा हरवलेला खजिना , त्याचा सुरू असलेला शोध , एका व्यापारी घराण्याचा हरवलेला शिवमंथक नावाचा मानिक आणि त्यामुळे येणारी समृद्धता त्यामुळे तो मिळवण्यासाठी असणारा खोजनार ,  विरुद्ध उद्धारक समाज ,  आणि या सर्वांबरोबर रयतेच्या   भल्यासाठी कटिबद्ध असलेले स्वराज्याचे शिलेदार ,त्यांच्यात रंगत जाणारा संघर्ष कडेपर्यंत वाचकाला खिळवून ठेवतो....।

       सारांश छत्रपती शिवाजी महाराजांनी जेव्हा दुसऱ्यांदा सुरत तुटली आणि खजिना घेऊन स्वराज्याकडे येऊ लागले त्यावेळेस शत्रूला चकवा देण्यासाठी खजाना चे दोन भाग करून दोन वेगवेगळ्या मार्गांनी रायगडाकडे रवाना केली त्यातल्या एकच भाग रायगडाकडे पोचला दुसरा भाग रायगडाकडे पोहोचण्या अगोदरच तो मोगलांच्या हाती सापडण्याची शक्यता दिसू लागल्या त्यामुळे दुसर्‍या गटाचे नेतृत्व करणारा गोंदा जी नारो याने शिताफीने खजाना एका डोंगरात लपवून ठेवला व त्या खजान याचा नकाशा शिवाजी महाराजांपर्यंत पोहोचवण्यासाठी बनवून ठेवला मात्र मोगलांच्या हाती लागून त्याचा दुर्दैवी मृत्यू झाला मात्र मृत्यूपूर्वी त्याने त्या नकाशा विषयीची माहिती एका संदेशात लिहून तो संदेश एका इंग्रज अधिकार्‍याच्या हाती केला मात्र काही कारणाने तो इंग्रज अधिकारी इंग्लंडला रवाना झाला व तिथेच मृत्यू पावला कादंबरीची सुरुवात होते ती त्या इंग्रज अधिकार्‍याच्या नातीने तो दिलेला संदेशाचा तुकडा पाहिल्यावर आणि ती भारतात यायला निघते तिथून सुरू होतो शोध त्या खजाण्याचा ....